- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतमा कोरोना भाइरस संक्रमितको संख्या दिनानुदिन बढ्दै गएको छ । सुरुआती १० हजार संक्रमित पुग्नका लागि ७५ दिन लागेको भारतमा पछिल्लो ४० हजार संक्रमित थपिन मात्र २३ दिन लागेको छ ।
बुधबार ३ हजार ५८२ जना संक्रमित थपिएका छन् । यो संख्यासंगै भारतमा संक्रमितको संख्या ५२ हजार ९८७ पुगेको छ ।
मृतकको संख्या १ हजार ७८४ पुगेको छ । बुधबार एकैदिन ८९ जनाको ज्यान गएको छ । पछिल्लो ६ दिनमा ७०४ जनाले ज्यान गुमाएका छन् । मंगलबार मात्रै एकैदिन १२६ जनाको ज्यान गएको थियो ।
सबैभन्दा बढी मृत्यु महाराष्ट्रमा भएको छ । ३७ प्रतिशत मृतक महाराष्ट्रकै हुन् । त्यहाँ ६५१ जनाको ज्यान गएको छ ।
त्यस्तै गुजरातमा ३९६ जनाको ज्यान गएको छ । त्यस्तै मध्यप्रदेशमा १८५ तथा पश्चिम बंगालमा १४४ जनाको ज्यान गएको छ ।
राजस्थानमा ९३, दिल्लीमा ६६ तथा उत्तर प्रदेशमा ६५ जनाको ज्यान गएको छ । मृतकको गति निकै तेज गतिमा बढेको छ ।
संक्रमित कहाँ कति ?
बुधबार महाराष्ट्रमा १२३३, तमिलनाडुमा ७७१, गुजरातमा ३८०, पंजाबमा २१९, दिल्लीमा ४२८, उत्तर प्रदेशमा ११८, राजस्थानमा १५९ र मध्यप्रदेशमा ८९ जना संक्रमित थपिएको कोभिड१९इन्डियाडटओआरजीले जनाएको छ ।
अहिलेसम्म सबैभन्दा बढी महाराष्ट्रमै १६ हजार ७५८ जना संक्रमित भएका छन् । त्यस्तै गुजरातमा ६ हजार ६२५ जना संक्रमित भएका छन् ।
भारतमा लकडाउन खुकुलो पारिएपछि संक्रमितको संख्या बढ्दै गएको समेत बताउन थालिएको छ । भारतमा १७ मेसम्म लकडाउन बढाइए पनि विभिन्न क्षेत्रमा फरक फरक नियम बनाइ खुकुलो पारिएकाले संक्रमित बढेको बताइन्छ ।
त्यस्तै केही प्रदेशमा लकडाउन अझ बढी बढाइएको छ ।