- सुन चाँदी दर
- विनिमय दर
- नेपाली पात्रो
- राशिफल
काठमाडौं । कोरोना भाइरसको उद्गम स्थल चीनको वुहानमा फेरि कोरोनाको संक्रमण देखिएको छ । संक्रमण नियन्त्रणमा आइसकेको भन्दै पुरानै अवस्थामा फर्केको चीनमा निरन्तर कोरोनाका संक्रमित थपिएका छन् ।
लगातार दोस्रो दिन कोरोना संक्रमित डबल डिजिटमा पुगेका छन् ।
सोमबार १७ जनामा कोरोना भाइरस भएको छ । त्यसमध्ये ५ जना वुहानका हुन् । त्यस्तै जिलिन प्रदेशको उत्तर–पूर्वी शुलान सहरमा पनि कोरोना देखिएको छ ।
शुलानमा नयाँ संक्रमित देखिएका छन् । उक्त शहरमा ११ जना संक्रमित देखिएका छन् । ती सबै एकै परिवारका हुन् ।
विश्वभर कोरोना भाइरसबाट ४१ लाख ८१ हजार भन्दा बढी संक्रमित हुँदा २ लाख ८४ हजारको ज्यान गइसकेको छ ।
चीनमा भने ८२ हजार ९१८ जना संक्रमित हुँदा ४ हजार ६३३ जनाको ज्यान गएको छ ।