- सुन चाँदी दर
- विनिमय दर
- नेपाली पात्रो
- राशिफल
काठमाडौं । अमेरिकामा कोरोना भाइरसबाट संक्रमित हुनेको संख्या घट्दो क्रममा रहेको छ । लगातार दोस्रो दिन संक्रमितको संख्या घट्दै गएको छ ।
शनिबार संक्रमितको संख्या १३ लाख ४७ हजार ३०९ पुगेकामा आइतबार १३ लाख ६७ हजार ६३८ पुगे । त्यस्तै सोमबार १३ लाख ८५ हजार ७४५ पुग्यो ।
अर्थात् पछिल्ला दिनमा २५ देखि ३० हजारको हाराहारीमा संक्रमित भएकामा आइतबार २० हजारको हाराहारीमा मात्र संक्रमित भए । सोमबार त्यो संख्या घटेर १८ हजार १०७ मा झर्यो ।
त्यस्तै मृतक भने फेरि बढेका छन् । आइतबार ७ सय ८४ जना मात्र थपिएकामा सोमबार भने ९९९ जना थपिए । जबकि २ हजारको हाराहारीमा हरेक दिन अमेरिकामा मृत्यु हुँदै आएको थियो ।
८१ हजार ७८६ जनाको मृत्यु भएको छ । विश्वभर २ लाख ८७ हजार १३ को मृत्यु हुँदा ८१ हजार ७८६ जना अमेरिकाकै हुन् ।
त्यसैगरी अमेरिकामा २ लाख ६० हजार ७३४ जनालाई मात्र उपचारपछि निको भएको छ ।
सबैभन्दा बढी प्रभावित न्यूयोर्कमा ३ लाख ४७ हजार १५१ जना संक्रमित हुँदा मृतकको संख्या २७ हजार ३ पुगेको छ ।
न्यूजर्सीमा १ लाख ४१ हजार १३७ जना संक्रमित हुँदा ९ हजार ३४१ जनाको ज्यान गएको छ ।