भारतमा कोरोनाको संक्रमण बढ्दो, विश्वमै १२ औं स्थानमा पुग्यो
प्रकाशित २०७७ वैशाख ३० मंगलबार
230
Shares
काठमाडौं । भारतमा कोरोना भाइरसका संक्रमितहरु दिनानुदिन बढ्दै गएका छन् । आइतबार एकैदिन भारतमा सबैभन्दा बढी ४ हजार २९६ जना संक्रमित हुँदा सोमबार भने यो संख्यामा केही कमी आएको छ ।
सोमबार ३ हजार ५९१ जना नयाँ संक्रमित थपिएका छन् । संक्रमितको संख्या ७० हजार ७६८ पुगेको छ । २२ हजार ५४९ जनालाई निको भएको छ भने मृतक २ हजार २९४ पुगेको छ ।
सोमबार ८१ जनाको ज्यान गएको छ । आइतबार एकैदिन एकैदिन १११ मृतक थपिएका थिए ।
कहाँ कति संक्रमित ?
महाराष्ट्रमा एकैदिन १२३० जना संक्रमित थपिएका छन् । महाराष्ट्रमा २३ हजार ४०१ संक्रमित थपिएका छन् ।
त्यस्तै तमिलनाडुमा ७९८ जना संक्रमित थपिएका छन् । त्यहाँ संक्रमित ८ हजार २ पुगेका छन् । गुजरातमा ३४७ जना थपिएर ८ हजार ५४२ संक्रमित पुगेका छन् ।
दिल्लीमा ३१० जना थपिएर संक्रमित ७ हजार २३३ जना पुगेका छन् । मध्यप्रदेशमा १७१ जना थपिएर ३ हजार ७८५ पुगेको छ ।
राजस्थानमा १७४ जना थपिएर ३ हजार ९८८ पुगेका छन् ।
भारतमा पछिल्लो समय तीव्र रुपमा संक्रमितहरु बढ्दै जाँदा विश्वभरमै १२ औं स्थानमा आइपुगेको छ ।
सुरुआती दुई महिनामा खासै कोरोनाको प्रभाव नपरेको भारतमा अप्रिलदेखि भने तीव्र रुपमा संक्रमित र मृतक थपिएका छन् ।
यसैबीच १७ मेसम्म लकडाउन रहेकामा अझै बढ्ने पनि बताइएको छ ।
