-
-
-
-
रमिला योञ्जन ।
जात थर ठूलो होइन
मानवको कर्म
ठूलो हुनुपर्छ ।
सबै मानव एकै हुन्
एक अर्कामा इज्जत
मायाको गरी जिउनुपर्छ ।
जुनै जात थरका
भएपनि अजम्बरी
कोहि छैन एकदिन
मरि जाने चोला न हो ।
मृत्यु पछि सान्सारिक
संस्कारका साथ सबै
जाने खोला न हो ।
नेपाली हौ हामी जातले
होइन विश्व सामु वीर
नेपाली भनी चिन्नपर्छ ।
जात धर्मको अहम् घमण्ड
त्यागी सत्य कर्म गरी हातमा
हात मिलाई मिल्नपर्छ ।
सही कर्म गर्न सके
हुन्छन् ठूला
जातको आधारमा
कोही हुन्न ठूलो
अनि सानो ।
सबै नेपाली मिली
बनाउन पर्छ विश्वलाई
जितेर समृद्ध नेपाल
हाम्रो घरको छानो ।
ब्राम्हण, क्षेत्री, आदिवासी
देशको सिमाना जोगाउन
एउटै बाटो हिंड्नु पर्छ ।
मधेसी पहाडी जो जे
भएपनि कोहि छैनौं
फरक सबै मिली वीर
नेपाली भै जिउनु पर्छ ।
जात थर ठूलो होइन
ब्यक्तिको कर्म
ठूलो हुनुपर्छ ।
सबै मानव एकै हुन्
एक अर्कामा इज्जत
मायाको गरी जिउनुपर्छ ।
