- सुन चाँदी दर
- विनिमय दर
- नेपाली पात्रो
- राशिफल
काठमाडौं । बुधबार नेपालगञ्ज र कपिलवस्तुका दुईजना पुरुषमा कोरोना भाइरस (कोभिड–१९)को संक्रमण देखिएको छ ।
स्वास्थ्य तथा जनसङ्ख्या मन्त्रालयका सहप्रवक्ता डा समिरकुमार अधिकारीले काभ्रेस्थित धुलिखेल अस्पतालमा परीक्षणका क्रममा बाँके नेपालगञ्ज–८ का ३६ वर्षीय पुरुषमा संक्रमण भएको पाइएको बताए ।
यसैगरी उनका अनुसार राष्ट्रिय जनस्वास्थ्य प्रयोगशालामा परीक्षणका क्रममा कपिलवस्तु जिल्ला, कपिलवस्तु नगरपालिका–५ का २२ वर्षीया पुरुषमा संक्रमण देखिएको हो ।
योसँगै संक्रमितको सङ्ख्या २१९ जना पुगेको छ । मङ्गलबारमात्र नेपालमा एकैपटक ८३ जनामा संक्रमण देखिएको थियो ।
मन्त्रालयका सहप्रवक्ता डा अधिकारीका अनुसार दुवै संक्रमित व्यक्तिको स्वास्थ्य अवस्था सामान्य छ ।