एकैदिन ६ हजार १४८ संक्रमित थपिए, मृतक ३ हजार ३०२ पुगे
प्रकाशित २०७७ जेठ ७ बुधबार
794
Shares
काठमाडौं । भारतमा कोरोना भाइरस संक्रमितको संख्या दिनानुदिन बढ्दै गएको छ । संक्रमण निकै चरम गतिमा पुगेको छ । २४ घण्टाको अवधिमा बुधबार बिहान सबैभन्दा बढी ६ हजार १४८ जना नयाँ संक्रमित थपिएका छन् ।
यो संख्या अहिलेसम्मकै उच्च हो । मंगलबार बिहान २४ घण्टाको अवधिमा ४ हजार ६२९ जना संक्रमित थपिएका थिए । यसअघि आइतबार २४ घण्टाको अवधिमा ५ हजार ४९ जना संक्रमित थपिएका थिए ।
संक्रमितको संख्या एक लाख ६ हजार ४७५ पुगेका छन् । त्यसैगरी मृतक ३ हजार ३०२ पुगेका छन् । २४ घण्टामा १४६ मृतक थपिएका छन् ।
निको हुनेको संख्या ४२ हजार ३०९ जना पुगेका छन् । २४ घण्टामा ३ हजार ३२ जनालाई निको भएको छ ।
कहाँ कति संक्रमित र मृतक
महाराष्ट्र सबैभन्दा बढी पीडित बनेको छ । मंगलबार महाराष्ट्रमा २ हजार ७८ जना संक्रमित थपिएका छन् । सोमबार २ हजार ५ जना संक्रमित थपिएका थिए । यसअघि आइतबार महाराष्ट्रमा अहिलेसम्मकै बढी २ जार ३४७ जना संक्रमित भएका थिए ।
महाराष्ट्रमा ३७ हजार १३६ संक्रमित भएका छन् । मंगलबार ७६ जनाको ज्यान जाँदा मृतक १ हजार ३२५ जना पुगेका छन् ।
तमिलनाडुमा ६८८ जना संक्रमित थपिएका छन् । त्यहाँ संक्रमित १२ हजार ४४८ पुगेका छन् । मृतक ८५ पुगेका छन् ।
गुजरातमा संक्रमित ३९५ थपिएर १२ हजार १४१ पुगेका छन् । मृतक २५ थपिएर ७१९ पुगेका छन् ।
दिल्लीमा ५०० जना थपिएर संक्रमित १० हजार ५५४ जना पुगेका छन् । मृतक १६६ पुगेका छन् ।
राजस्थानमा ३३८ जना थपिएर संक्रमित ५ हजार ८४५ पुगेका छन् । मृतक १४३ पुगेका छन् ।
मध्यप्रदेशमा २२९ जना थपिएर ५ हजार ४६५ संक्रमित पुग्दा मृतकको संख्या २५८ पुगेको छ ।
भारतमा पछिल्लो समय तीव्र रुपमा संक्रमितहरु बढ्दै जाँदा विश्वभरमै ११ औं स्थानमा आइपुगेको छ ।
सुरुआती दुई महिनामा खासै कोरोनाको प्रभाव नपरेको भारतमा अप्रिलदेखि भने तीव्र रुपमा संक्रमित र मृतक थपिएका छन् ।
भारतमा चौथो चरणमा यही मे ३१ तारिखसम्म लकडाउन बढाइएको छ ।
