-
-
-
-
दिपक खाती ।
कालापानीमा भारतीय सैनिकका बुट बज्दा तिमीलाई किन दुख्दैन सरकार
लुकाउनु खोज्छु छातिभित्र सीमा मिचिएको पीडा तर मनको पीडा लुक्दैन सरकार ।
नक्सामा समेटेर मात्रै मलाई बिस्तारवादीहरुबाट मुक्ति मिल्दैन
रुँदै कालापानी लिपुलेकले भन्यो हामीलाई हेर्न सिमानामा किन पुग्दैन सरकार ।
अब कालापानी लिपुलेक नेपालकै हो भन्ने प्रमाण देखाउन सके छिमेकीलाई
त्यसपछि हेरौ छिमेकीका विस्तारवादी पाइला कसरी लुक्दैन सरकार ।
देशको माटो बचाउन नेपाली आफ्नो सिर बलि चढाउन तयार हुन्छन्
तर कसै अगाडि सगरमाथा भन्दा अग्लो स्वाभिमानी नेपालीको सिर झुक्दैन सरकार ।
