-
-
-
-
हाम्रो देशको हावा राम्रो
हाम्रो देशको मिठो छ पानी ।
यही माटोमा परिश्रम गरी
बिताउँ पुरै जिन्दगानी ।
कुम्भकर्ण, कञ्चनजङ्घा
विश्वमा उच्च शिखर सगरमाथा
नेपालीको शान ।
बुद्ध जन्मे यही माटोमा
उनको ज्ञानको विश्वमा
चर्चा चल्यो बने
नेपालको पहिचान ।
भो भो नजाउ परदेश
मायाले सिर्जौ यही
भीरपाखा गाउँघरको ।
कहाँ पाइन्छ र आहा चिसो
शितल पिपल र बरको ।
भिन्न–भिन्न जात जाति
भिन्नभिन्न धर्म र
आ–आफ्ना संस्कार ।
एक अर्कालाई आदर गर्ने
आहा कति राम्रो सत्कार ।
काली डल्ली माइला साईला भन्दै
बोलाउने आहा कति प्यारो नाम ।
यो देशको जुन कुनामा गए पनि
भेटिन्छ मठ मन्दिर र देवी धाम
हाम्रो देशको हावा राम्रो
हाम्रो देशको मिठो छ पानी ।
यही माटोमा परिश्रम गरी
बिताउँ पुरै जिन्दगानी ।
