सुदुरका दुई प्रमुख नाकाबाट सोमबार करिब ५ हजार भित्रिए
दीपेन्द्र बस्नेत,
प्रकाशित २०७७ जेठ १२ सोमबार
983
Shares
कञ्चनपुर । भारतका विभिन्न स्थानहरुबाट सीमा क्षेत्रमा पुगेर अलपत्र परेका ४ हजार ८६४ जना नेपालीहरुलाई सुदुर पश्चिमका प्रमुख दुई नाकाहरुबाट सोमबार भित्र्याइएको छ ।
सोमबार सुदुर पश्चिमको गौरीफन्टा नाका र गड्डाचौकी नाकाबाट सीमान्त भारतीय क्षेत्रमा अलपत्र रहेका ४ हजार ८६४ जना नेपालीहरुलाई नेपाल भित्र्याएर सम्बन्धित जिल्ला र पालिकाहरुमा पठाइएको छ ।
सोमबार उद्धार गरिएका मध्य गड्डाचौकीबाट २,६३४ जना र गौरीफन्टा नेपाल-भारत नाकाबाट २ हजार २२७ जना नेपालीहरुलाई स्वदेश प्रवेश गराइएको छ ।
नेपालका पुर्वी सीमानाका हरुबाट प्रवेशमा रोक लगाइएपछि सुदुर पश्चिमका यि नाकाहरुबाट पुर्वी नेपालका नागरिकहरु समेत आउन थालेपछि यहाँ नेपाल प्रवेश गर्नेहरुको घुइँचो लाग्न थालेको हो ।
चोरबाटोबाट नेपाल प्रवेश गर्नेहरु बढेपछि सोमबारदेखि जिल्ला प्रशासन कार्यालय कञ्चनपुरले गड्डाचौकी नाका निश्चित समयका लागि अलपत्र नागरिकहरुको उद्धारका लागि खुल्ला गरेको हो ।
यि नाकाहरुबाट मजदुरी र अध्ययनका लागि गएका नेपालीहरु ठूलो संख्यामा स्वदेश फर्कन थालेपछि सुदुर पश्चिममा बनाइएका क्वारेन्टाइनहरु भरिन थालेका छन् ।
