- सुन चाँदी दर
- विनिमय दर
- नेपाली पात्रो
- राशिफल
काठमाडौं । कोरोना भाइरसको महामारीका कारण स्थगित भएको स्पेनिस ला लिगा फुटबल जुन ११ तारिखबाट सुरु हुने भएको छ ।
प्रतियोगिता जुलाई १९ तारिखमा सकिने भएको छ । ला लिगा अध्यक्ष जाभियर तेबासले बिहिबार भएको क्लबको बैठकमा प्रतियोगिताको तालिका सार्वजनिक गरेका हुन् ।
उनले सेभिल्ला र रियल बेटिस तथा रायो भालेकानो र अल्बासिटबीको खेलबाट प्रतियोगिता सुरु गरिने बताए ।
ला लिगामा २७ चरणका खेल सम्पन्न भईसकेका छन् । बार्सिलोना ५८ अंक सहित तालिकाको शीर्ष स्थानमा छ ।
रियाल मड्रिड ५६ अंक सहित दोस्रो स्थानमा रहेको छ । सेभिया ४७ अंकसहित तेस्रो तथा रियाल सोसिडाड ४६ अंकसहित चौथो स्थानमा छ ।