-
-
-
-
काठमाडौं । जब सरकारी विद्यालय नै व्यवसायमा उत्रिन्छ भने त्यसलाई के भन्ने । तर भएको छ त्यस्तै । समाचार पढ्दा अचम्म नमाने हुन्छ ।
किनकि सिन्धुपाल्चोकको टिमुरेस्थित सुनकोशी गाउँपालिकाको एक सरकारी विद्यालयले किताब बेचेको छ ।
कोल्दोङ देवी माध्यमिक विद्यालयले कक्षा ५ को किताब बेचेको खुलेको हो । मुलुकभर लकडाउनका कारण शैक्षिक क्षेत्र अस्तव्यस्त भइरहँदा कोल्दोङले सहयोग रसिदमा दुई हजार एक सय ७० रुपैयाँको पुस्तक बेचेको बिल बनाएको हो ।
एक स्थानीयले भने, ‘लकडाउनमै विद्यालय खोलियो र पुस्तक बेचियो । त्यो पनि सहयोग रसिदमा । अब यसलाई केपी शर्मा ओलीको सरकारले कसरी हेर्ने हो कुन्नि ।’
सिन्धुपाल्चोकका एक स्थानीय नेताले भने, ‘सरकारले निजी विद्यालयले सामुदायिक विद्यालयको जिम्मा लिने भन्या छ । अहिलेदेखि नै प्राक्टिस गर्या होला नि ।’
