-
-
-
-
काठमाडौं । गण्डकी प्रदेशमा आइतबार बिहान ३८ जना नयाँ कोरोना संक्रमित थपिएका छन् ।
थपिनेमा स्याङ्जाका १४, बागलुङका १०, गोरखाका १० र पूर्वी नवलपरासीका ४ जना हुन् ।
यससँगै गण्डकी प्रदेशमा गरिएका परीक्षणबाट कोरोना संक्रमित व्यक्तिहरुको संख्या ९८ पुगेको गण्डकी प्रदेश सामाजिक विकास मन्त्रालयले जनाएको छ ।
समग्रमा भने गण्डकी प्रदेशमा ११३ जनाको ज्यान गएको छ ।
नयाँ संक्रमितहरु स्याङजाको वालिङ नगरपालिकामा १३ जना र भिरकोट नगरपालिकामा एक जना छन् ।
यस्तै बाग्लुङको बडिगाड गाउँपालिकामा ९ जना र ढोरपाटन नगरपालिकामा १ जना छन् ।
गोरखाको गण्डकी नगरपालिकाका ९ र पालुङटार नगरपालिकाका एक जनामा संक्रमण पुष्टि भएको छ ।
यस्तै पूर्वी नवलपरासीका चार जना संक्रमित हुप्सेकोट गाउँपालिकाका हुन् ।
गण्डकीमा गरिएका परीक्षणमा स्याङ्जाका ३७, बाग्लुङका २७, तनहुँका ३, कास्कीका ३, गोरखाका १०, पर्वतका ९, म्याग्दीका २, नवलपुरका ७ जना रहेका छन् ।
अहिलेसम्म ५ हजार ९३ जनाको नमूना संकलन गरेकामा ४ हजार २५१ जनाको रिपोर्ट नेगेटिभ आएको छ भने ९८ जनाको पोजेटिभ आएको छ । ७४४ जनाको रिपोर्ट आउन बाँकी छ ।
