ज्याकेट भित्र लागू औषध लुकाएर लैजादै गरेका युवक पक्राउ

ज्याकेट भित्र लागू औषध लुकाएर लैजादै गरेका युवक पक्राउ

रबिन्द्र यादव,

प्रकाशित २०७७ जेठ २७ मंगलबार

नवलपरासी पश्चिम । नवलपरासी पश्चिममा लागू औषध सहित एक जना पक्राउ परेका छन। आइतबार बिहान दस बजेको समयमा जिल्लाको सुस्ता गाउँपालिका ५ रतनगंज गाउँको भित्री सडकबाट कुडिया जाँदै गरेका युपी ५३ एजे ०२७७ भारतीय प्लेट नम्बरको मोटरसाइकलमा सवार एक जनालाई प्रहरीले रोकेर चेकजाँच गर्दा उक्त व्यक्तिको ज्याकेट भित्रबाट लागू औषध बरामद प्रहरीले गरेको छ ।

बरामद गरिएको लागू औषधमा नाइट्रोभेट ४ पत्ता ६० पिस, स्पास्मो ४ पत्ता ३२ पीस, ओरेक्स १०० एमएलको ४ बोतल रहेको इलाका प्रहरी कार्यालय बेलाटारीका इन्सपेक्टर खुमान्नद पाण्डेले बताए ।

उनी बाट एउटा चक्कु र दुईवटा मोबाइल समेत बरामद गरिएको प्रहरीले जनाएको छ । पक्राउ पर्ने व्यक्ति पुर्वी नवलपरासी विनयी त्रिवेणी गाउँपालिका वडा नं ६ रानिनगर घर भई बर्ष २६ का निरज कुमार गौड रहेको जिल्ला प्रहरी कार्यालय नवलपरासी पश्चिमले जनाएको छ । गौडलाई नियन्त्रणमा लिई थप अनुसंधान भइरहेको जिल्ला प्रहरी कार्यालयले बताएको छ ।