- सुन चाँदी दर
- विनिमय दर
- नेपाली पात्रो
- राशिफल
काठमाडौं । दक्षिण एसियामा कोरोना भाइरसको संक्रमण तीव्र गतिले बढिरहेको छ । पछिल्लो समय यो गति अनियन्त्रित भएको छ ।
एसियामै शीर्ष दशभित्र दक्षिण एसियाका तीन देश अटाएका छन् । भारत शीर्ष स्थानमा छ । भारतमा मंगलबारमात्रै १० हजार १२६ जना नयाँ संक्रमित थपिएका छन् । त्यहाँ संक्रमितको संख्या २ लाख ७६ हजार १४६ रहेको छ ।
मृतकको संख्या ७ हजार ७५० पुगेको छ । मंगलबारमात्रै २७२ जनाको मृत्यु भयो । पाकिस्तान एसियाकै पाँचौं स्थानमा छ । दक्षिण एसियाको दोस्रो स्थानमा पाकिस्तान छ ।
त्यहाँ मंगलबार ४ हजार ६४६ नयाँ संक्रमित थपिएर संक्रमितको संख्या १ लाख ८ हजार ३१७ पुगेको छ । १०५ मृतक थपिएर मृतकको संख्या २ हजार १७२ पुगेको छ ।
बंगलादेश एसियाको आठौं तथा दक्षिण एसियाको तेस्रो स्थानमा छ । मंगलबारमात्रै त्यहाँ ३ हजार १७१ संक्रमित थपिएर जम्मा संक्रमितको संख्या ७१ हजार ६७५ पुगेको छ । मृतक ४५ थपिएर ९७५ पुगेका छन् ।
एसियाको १४ औं स्थानमा रहेको अफगानिस्तान दक्षिण एसियाको चौथो स्थानमा छ । त्यहाँ २१ हजार ४५९ कोरोना संक्रमित छन् ।
मंगलबार त्यहाँ ५४२ जना थपिए । मृतक मंगलबार १५ थपिएर ३८४ जना पुगेका छन् ।
नेपाल एसियाको २७ औं र दक्षिण एसियाको पाँचौं स्थानमा छ । नेपालमा संक्रमित ४ हजार ८६ पुगेका छन् । मंगलबार ३२४ थपिए । मृतक एक थपिएर १५ पुगेका छन् ।
माल्दिभ्स एसियाको ३० औं तथा दक्षिण एसियाको छैटौं स्थानमा छ । त्यहाँ २६ संक्रमित थपिएर १ हजार ९४२ पुगेका छन् । ८ जनाको ज्यान गएको छ ।
श्रीलंकामा २ थपिएर संक्रमितको संख्या १ हजार ८५९ पुगेको छ । ११ जनाको मृत्यु भएको छ ।
अन्तिम स्थानको भुटानमा ५९ जनामात्र संक्रमित छन् ।
चैत ११ गते नेपालले लकडाउन गर्दा मात्र २ संक्रमित थिए । त्यतिबेला नेपाल पुछारमा थियो । अहिले पाँचौं स्थानमा छ ।
भुटान, श्रीलंका र माल्दिभ्सभन्दा नेपाल निकै अगाडि पुगेको छ ।