-
-
-
-
काठमाडौं । रातमा राम्रो निद्रा पर्यो भने त्यसले एकातर्फ शारीरिक थकान पूरा गर्छ भने अर्कातर्फ मानसिक शान्ति प्राप्त हुन्छ ।
तर वास्तुशास्त्रका अनुसार केही यस्ता चिजहरु छन् जसले राति सुत्ने समयमा सिरानी नजिक राख्नु हुँदैन ।
त्यस्ता चिजहरु राख्ने हो भने त्यसले नकारात्मक भाव पैदा गर्दछ । जसले गर्दा निद्रा लाग्नु त कता हो जीवनमा हानीसमेत गर्दछ ।
सुत्ने समयमा पानीको अंखोरा सिरानी नजिक राखेर कहिल्यै सुत्नु हुँदैन । यसले गर्दा चन्द्रमा प्रभावित हुन्छ र यसले मनोरोग हुन सक्छ ।
सुत्नुभन्दा पहिले जुत्ता–चप्पल कहिल्यै बिस्तारा मुनि वा सिरानीको नजिक राख्नु हुँदैन । यसले नकारात्मक शक्ति पैदा हुन्छ ।
मोबाइल, ल्यापटक बिस्तारामा राखेर नसुतौं । यस्ता चिजले राहुको दोष उत्पन्न हुन्छ ।
कुनै पनि किसिमको तेल राखेर सुत्नु हुँदैन । यसले जीवनमा विभिन्न प्रकारका कठिनाई निम्त्याउँछ ।
बिस्ताराको अगाडि कहिल्यै पनि ऐना नराखौं । यसले रोग उत्पन्न गर्छ र पति–पत्नीबीच पनि झैंझगडा भइरहन्छ ।
