-
-
-
-
तिमीले भनेका थियौ
प्रिय हामी एकै हौं
अब आफ्नो
बराबर गर्देउन ।
बच्चाको न्याक्पि
जब म बदल्छु
तिमी दूधको
बोतल भर्देउन ।
बस यतिकै एक हौं
एक हौं भन्दैमा
कहाँ जिन्दगी चल्छ र ।
कहिलेकाहिं तिमी पनि
टाउको मिचिदेउन मेरो
कमी यही महशुस हुन्छ ।
जब म पनि अफिस जान्छु
तिमी पनि घर समालिदेउन ।
तिमीले भनेका थियौ
प्रिय हामी एकै हौं
अब आफ्नो बराबर गर्देउन ।
नगर बाचा कसम
जन्मौं जन्मको
यो एक पल नै
खुशीले भर्देउन ।
कहिलेकाहिँ बजारतिर
घ्यान हटाएर
मन घरतिर पनि गर्देउन ।
आउ छेउँमा बस
केही गफ गरौं
कहिलेकाहिँ दिलको
चोट पनि भर्देउन ।
यति पनि भन्न पर्छ
तिमी यहसासहरु बुझन
तिमीले भनेका थियौ
प्रिय हामी एकै हौं
अब आफ्नो बराबर गर्देउन ।।
