एजेन्सी । बलिउड महानायक अमिताभ बच्चनलाई सुप्रीम कोर्टले ठुलो झट्का दिएको छ । सर्वोच्च अदालतले आयकर विभागको अपिलपछि बम्बई हाईकोर्टको निर्णयलाई रद्द गर्दै उनीविरुद्ध १४ बर्ष पुरानो मामिला खोल्न अनुमति दिएको हो ।
अब आयकर विभाग अमिताभसँग सन् २००२-०३ को आय जाँच गर्नेछ ।
आयकर विभागले सुप्रीम कोर्टमा आवेदन पेश गरेर अमिताभले सन् २००२-०३ मा कमाईको १.६६ करोड रुपैया कम ट्याक्स तिरेको आरोप लगाएको छ ।
आर्थिक वर्ष २००२-०३ को क्रममा अमिताभ बच्चनले केबीसीबाट हुने आयलाई कम दिखाएर आयको केहि हिस्सा मात्र आफ्नो आयमा देखाए । जबकि ठुलो हिस्सा एबीसीएलमा देखाएका हुन् ।
अदालतले आयकर विभागको अपिलपछि बम्बई हाईकोर्टको निर्णयलाई रद्द गर्दै इनकम ट्याक्स विभागलाई फेरि सो केसलाई खोल्न अनुमति दिएको हो ।
यस मामिलामा जुलाई,२०१२ मा बम्बई हाई कोर्टले आयकर अधिकृतको आवेदनलाई खारिज गर्दै अमिताभलाई राहत दिएको थियो ।
हाई कोर्टले आफ्नो निर्णयमा आयकर बितरणको निर्णयलाई अखण्ड राख्दै असेसमेन्ट अफिसर द्वारा सेक्शन १४७ बाट गरिएको कारबाही अनुचित हो भनेको थियो ।
त्यसपछि आयकर विभागले सुप्रीम कोर्टमा अपील दर्ता गर्यो जसमा बुधवार कोर्टले यस्तो फैसला गरेको हो । फैसाला अनुसार अमिताभले अब १.६६ करोड रुपैया बाकि ट्याक्स तिर्नुपर्नेछ ।
