एजेन्सी । इङ्गलिश प्रिमियर लिग फुटबलमा सण्डरल्याण्ड रेलिगेशनमा पर्नबाट बचेको छ । वुधबार राति भएको खेलमा एभर्टनलाई ३–० ले पराजित गर्दै सण्डरल्याण्ड रेलिगेशन क्षेत्रबाट बचेको हो । सण्डरल्याण्डलाई विजयी गराउन लामिने कोनले दुई तथा प्याट्रिक भानले एक गोल गरे ।
एक खेल खेल्न बाँकी छँदा सण्डरल्याण्ड रेलिगेशन क्षेत्र पर्नबाट जोगिएको हो । उसको ३७ खेलबाट ३८ अंक भएको छ । रेलिगेशन क्षेत्रमा रहेका न्यूकासल युनाइटेड, र नर्विच सिटीको समान ३४ अंक छ । यस्तै एस्टोन भिल्लाको १७ अंक मात्रै छ । यो संगै यी तीन टोली रेलिगेशनमा पर्ने पक्का भएको छ । नर्विच सिटीले वाट्फोर्डलाई ४–२ ले हराएपनि रेलिगेशन जोन जोगिएन । न्यूकासल युनाईडेड र नर्वीच सिटी शीर्ष डिभिजनको फुटबल प्रिमियरसिपबाट दोस्रो श्रेणीको च्याम्पियनसिपमा झरेका छन् । सण्डरल्याण्ड भने प्रिमियर डिभिजनमै सुरक्षित छ ।
बराबरीले लिभरपुललाई झट्का
लिभरपुल चेल्सीसंग १–१ को बराबरीमा रोकिएसंग संकटमा परेको छ । यो बराबरीले लिभरपुलको युरोपा लिग खेल्ने सम्भावना कमजोर बनेको छ । लिभरपुलको घरेलु मैदान एन्फिल्डमा भएको खेलमा चेल्सीले इडेन हाजार्डको गोलबाट अग्रता लियो । खेलको इन्जुरी समयमा लिभरपुलका क्रिष्टेन बेन्टेकले गोल गर्दै खेल बराबरी गरिदिए । बेन्टेकको बराबरीले केही आसा पलाएपनि अतिरिक्त समयमा गोल हुन सकेन ।
लिभरपुलले यो खेल जितेको भए युरोकपको सम्भावना जिवितै रहन्थ्यो । ५९ अंक जोडेको लिभरपुलको युरोपा लिग यात्रा वेष्टह्यामको अन्तिम खेलले निर्धारण गर्ने छ । हाल यी दुईबीचको गोल अन्तर दुई मात्र छ । म्यान्चेस्टर युनाइटेड र वेष्टह्याम हाल सम्म युरोपा लिगका लागि सुरक्षित छन् । साउथ ह्याम्पनको सम्भावना जिवित छ । चेल्सीको भने युरोपा लिग सम्भावना समाप्त भइसहेको छ । लेस्टर सिटीले उपाधि उचाल्दा टोटनह्याम र आर्सनल क्रमशः दोस्रो र तेस्रो स्थानमा छन् । म्यान्चेष्टर सिटी शीर्ष चारभित्र सुरक्षित छ ।
