-
-
-
-
झापा । झापामा २८ सहित प्रदेश नं १ मा शुक्रबार ३८ जना कोभिड–१९ संक्रमित थपिएका छन् । यसरी संक्रमित हुनेमा चार महिला र ३४ पुरुष रहेको सामाजिक विकास मन्त्रालयले जनाएको छ ।
मन्त्रालयका अनुसार झापामा २८ सहित मोरङ र उदयपुरमा पाँच-पाँच जनामा कोभिड–१९ पोजेटिभ रिपोर्ट देखिको छ । झापाको मेचीनगरमा १४, हल्दीबारीमा तीन, अर्जुनधारामा दुई महिलासहित आठ, विर्तामोडमा एक महिला, कनकाईमा एक महिलासहित दुई रहेका छन् ।
साथै मोरङको विराटनगरमा तीन, बेलबारी र बूढीगङ्गामा एक-एक, उदयपुरको वेलकामा पाँच जनामा संक्रमण देखिएको मन्त्रालयले जनाएको छ । योसँगै प्रदेशमा संक्रमितको सङ्ख्या ६५३ पुगेको छ ।
यस्तै प्रदेशबाट शुक्रबार छ जना संक्रमितको निको भई घर फर्केका छन् । घर फर्कनेमा मोरङका चार र सुनसरीका दुई जना रहेका छन् । प्रदेशमा निको हुने संक्रमितको सङ्ख्या ४०६ पुगेको छ ।
