शोलेका सुरमा भुपाली रहेनन्, हाँस्य कलाकार जगदीपको निधन
प्रकाशित २०७७ असार २५ बिहिबार
316
Shares
काठमाडौं । भेट्रान कमेडिन जगदीपको निधन भएको छ । उनको ८१ वर्षको उमेरमा बुधबार राति मुम्बईमा निधन भएको हो । उनको असली नाम सैयद इश्तियाक अहमद जाफरी हो ।
जगदीपका साथी चलचित्र निर्माता महमूद अलीकाअनुसार बान्द्रास्थित उनको घरमा राति ८ः३० बजे उनको मृत्यु भएको हो । उनी लामो समयदेखि बिरामी थिए ।
जगदीपलाई बिहीबार बिहान ११ बजे मुम्बईको मुस्तफा बाजार मझगांव शिया कब्रिस्तान सुपर्द–ए–खाक गरिने बताइएको छ ।
उनी सुरमा भोपालीका नामले चर्चित थिए । चर्चित फिल्म शोलेमा उनले यही नामबाट चर्चा कमाएका थिए ।
२९ मार्च १९३९ मा मध्य प्रदेशको दतियामा एक वकिलको घरमा जन्मिएका उनले ‘मास्टर मुन्ना’ को रुपमा बी आर चोपडाको फिल्म ‘अफसाना’ बाट बालकलाकारका रुपमा करियर सुरु गरेका थिए ।
‘दो बीघा जमीन’ बाट कमेडी थालेका जगदीपले ४ सय भन्दा बढी फिल्ममा कार गरेका थिए । उनको अन्तिम फिल्म सन् २०१२ मा ‘गली गली चोर’ थियो । जसमा उनी पुलिस कन्स्टेबलको भूमिकामा देखिएका थिए ।
सन् १९७५ मा आएको शोलेमा निभाएको भूमिका सुरमा भोपालीको नामबाट सन् १९८८ मा बलिउडमा फिल्म पनि बनेको थियो । त्यसमा पनि जगदीपले मूख्य भूमिका निभाएका थिए ।
