arrow

प्रिमियर लिगमा अप्रत्याशित परिणाम, यस्तो भयो

logo
प्रकाशित २०७७ असार २८ आइतबार
manchester-city3.jpg

काठमाडौं । इंगलिश प्रिमियर लिग फुटबलमा शनिबार अप्रत्याशित नतिजाहरु बढी आएका छन् । उपाधि जितिसकेको लिभरपुलले घरेलु मैदानमा बर्नलीसंग १–१ गोलको बराबरी खेल्यो । 

लिभरपुलले अब म्यान्चेस्टर सिटीको रेकर्ड तोड्न बाँकी ३ खेल जित्नुपर्ने दवाव छ । सिटीले एकै सिजन १०० अंक ल्याएको थियो । लिभरपुलको ३५ खेलबाट ९३ अंक छ । 

एन्ड्रयु रोबर्टनसनले लिभरपुललाई र जे रोड्रिग्वेजले बर्नलीलाई गोल दिलाए । 

अर्को खेलमा सिटीले ब्राइटन एन्ड होभ आल्बियनलाई उसकै मैदानमा ५–० गोलले हराएको छ । रहिम स्टर्लिङले ह्याट्रिक गरे । गाब्रियल जिसस र बर्नार्डो सिल्भाले १–१ गोल गरे । 

जितपछि सिटीले दोस्रो स्थान पक्का गरेको छ । 

तेस्रो स्थनको चेल्सी पराजित भएको छ । अप्रत्याशित खेलेको चेल्सी शेफिल्ड युनाइटेडसंग उसकै मैदानमा ३–० गोलले हार्यो । यो हारले चेल्सीको तेस्रो स्थानमा रहेर लिग सकाउने सम्भावना कमजोर बनेको छ । 

चेल्सीको ३५ खेलबाट ६० अंक भएको छ । एक खेल कम खेलेका लेस्टर सिटीको ५९ तथा म्यान्चेस्टर युनाइटेडको ५८ अंक रहेको छ । 

वेष्टह्याम युनाइटेडसंग ४–० गोलले हारेपछि नर्विच सिटी रेलिगेशनमा पर्ने पहिलो टिम बनेको छ । 

नर्विचको २१ अंकमात्र छ । एस्टन भिल्लाको २७ तथा बर्नमाउथको २८ अंक छ । १७ स्थानको वाटफोर्डको ३४ अंक छ । तीन टिम रेलिगेशनमा पर्नेछन् । 



लोकप्रिय समाचार
लोकप्रिय समाचार
नयाँ