-
-
-
-
काठमाडौं । प्रेम अजबको हुन्छ । प्रेम मानिसबीच मात्र हैन जनावरमा पनि हुन्छ । त्यो त उनीहरुको व्यवहारले देखाउँदै आएको छ ।
त्यस्तै भएको छ भारतको तमिलनाडु राज्यस्थित मदुराईमा । मन्जमलाईको मन्दिरमा एक साँढेले एउटा लरीलाई एक किलोमिटरसम्म पछ्यायो ।
त्यसको एउटै कारण थियो कि उक्त लरीमा एउटा गाईलाई लगिँदै थियो । साँढेले आफ्नो साथीसंगको विछोड सहन सकेन र पछ्याइरह्यो ।
यिनीहरुबीच देख्यो कि लभ परेको भने हैन । यसको पनि इतिहास छ । दुवै साँढे (मन्जमलाई) र गाई (लक्ष्मी) लामो समयदेखि एकैठाउँमा बस्दै आइरहेका थिए ।
उनीहरु गत सोमबार विछोड हुनुपूर्वसम्म पलामेन्दुको घरमा बस्दै आइरहेका थिए । घर मालिकले आर्थिक संकट खेप्नु परेपछि गाईलाई बेच्ने निर्णयमा पुगेका थिए ।
कोरोना भाइरसको महामारीले लकडाउन लागेपछि घर मालिकलाई संकट आइलागेको हो ।
गाईलाई बेचेपछि साँढेले गाई रोक्ने अनेक प्रयास गर्यो । तर सफल भएन ।
यो घटना सामाजिक संजालमा भाइरल भएको छ । मानिसहरुले सहयोगका लागि हातसमेत बढाएका छन् ।
तमिलनाडुका उपमुख्यमन्त्री ओ पन्निरसेल्भाका छोरा ओ जयप्रदीप पनि त्यसमध्येका एक हुन् ।
उनले खरिदारवालालाई उक्त रकम दिएर गाई किनेका छन् । र उक्त गाईलाई पुनः मन्दिरमा दान गरिएको छ ।
र अन्ततः लक्ष्मी र मन्जमलाईबीच पुनर्मिलन भएको छ । थुप्रै मानिसले गाई र साँढेबीचको पुनर्मिलनका लागि मन्दिरमा सहयोगसमेत उठाइरहेका छन् ।
उचित प्रयोजनका लागि उठाइएको चन्दाको चर्चा अहिले भइरहेको छ ।
