-
-
-
-
स्याङ्जा। स्याङ्जामा कुटपिटबाट एक जनाको मृत्यु भएको छ । स्थानीय युवाहरुको कुटपिटबाट स्याङ्जाको चापाकोट नगरपालिका वडा नं. ३ कमेरेका ४५ वर्षिय कुलबहादुर सार्कीको मृत्यु भएको हो ।
स्थानीय २१ वर्षिय युवा अन्तिल ज्ञामी र १८ वर्षका पूर्णबहादुर खड्काले कुटपिट गर्दा सार्कीको ज्यान गएको जिल्ला प्रहरी कार्यालय स्याङ्जाका प्रबक्ता तथा डिएसपी राजेन्द्रप्रसाद अधिकारीले जानकारी दिए ।
कुटपिटबाट घाईते भएका सार्कीलाई गाउँकै चन्द्रबहादुर सोतिको खालि रहेको घरमा एक्लै छोडेका कारण उपचार नभएर मृत्यु भएको प्रहरीको प्रारम्भिक अनुसन्धानमा खुलेको छ ।
कुटपिटमा संलग्नलाई नियन्त्रणमा लिएर आवश्यक अनुसन्धान थालिएको जिल्ला प्रहरी प्रमुख बिमलराज कँडेलले बताए । मदिरा पिएर झगडा हुँदा घट्ना भएको प्रहरीले जनाएको छ ।
