एडेन । यमनको दक्षिणपूर्वी सहर मुकालामा आइतबार भएको एक आत्मघाती आक्रमणमा परी नयाँ भर्ना भएका कम्तीमा २५ यमनी प्रहरीको मृत्यु भएको छ । यस आक्रमणको इस्लामिक स्टेट (आइएस) ले दावी गरेका छन् ।
यसै हप्तामा आइएसले दाबी गरेको आतङ्ककारी आक्रमणमा यो दोस्रो भएको बताइएको छ । फुवाह जिल्लामा भएको यस आतङ्ककारी आक्रमणमा कम्ती ६३ जना घाइते भएको सरकारी स्रोतले जानकारी दिएको छ ।
आइएसले आफ्नो अनलाइनमार्फत यस आक्रमणमा उनीहरुको हात रहेको दाबी गरेका छन् । गत बिहीबार पनि मुकालाको बाहिरी इलाकामा भएको जिहादी आक्रमणमा १५ यमनी सैनिकको मृत्यु भएको थियो । एएफपी
