काठमाडौं। क्रुनाल पाण्ड्याको बिस्फोटक ८६ रनको पारीले मुम्बईले दिल्लीमाथि सहज जित हात पारेको छ। पाण्ड्याले ३७ बलमा ६ छक्का र ७चौकाको मदतले उक्त रन बनाएका थिए। मुम्बई ८० रनले बिजयी भएको थियो।
टस हारेर पहिले ब्याटिङ गरेको मुम्बईले निर्धारित २० ओभरमा ४ विकेट गुमाउँदै २०६ रन बनाएको थियो। उसकालागि मार्टिन गुपटिलले ४८ रन बनाएका थिए भने रोहित शर्माले ३१ रनको योगदान गरेका थिए। दिल्लीका क्रिश मोरिसले २ विकेट लिएका थिए।
जवाफमा ब्याटिङ गर्न ओर्लेको दिल्लीले २० ओभरमा ९ विकेट गुमाउँदै १३५ रन बनाउँदै पराजित भएको थियो। क्वेन्टन डि-ककले २८ बलमा ४० रन बनाउनु बाहेक कुनै पनि ब्यट्सम्यानले उल्लेखनिय रन बनाउन सकेनन्।रिसब पन्तले २३ र क्रिस मोरिसले २० रनको योगदान गरेका थिए।
मुम्बईका जस्प्रित बुमराहले ३ विकेट लिएका थिए । बुमराहले ४ ओभरमा १३ रन खर्चिंदै दिल्लीलाई बाँधेर राखेका थिए। त्यसैगरि क्रुनाल पाण्डेयाले २ विकेट लिएका थिए। खेलका प्लेयर अफ दि म्याच पाण्डेया घोषित भएका थिए।
