संचारकर्मी ईश्वरी बराल कोसंग भइन् जल्न तयार ? (भिडियोसहित) 

प्रकाशित मिति : २०७७ श्रावण १४ बुधबार

काठमाडौं । संचारकर्मी तथा गायिका ईश्वरी बरालको ‘हरेक रात सपनीमा हुन्छु तिम्रै रानी’ बोलको लोक आधुनिक गीत सार्वजनिक भएको छ । 

गीतकार क्षितिज समर्पणको शब्द र सङ्गीतकार राजकुमार शाहीको सङ्गीत संयोजन रहेको सो गीत एक्का कम्पनीको युट्युब च्यानलमार्फत मङ्गलबार सार्वजनिक गरिएको छ ।
 
सञ्जय हमालले एरेन्ज गरेको उक्त गीतको सम्पादन पनि राजकुमारले नै गरेका हुन् । 

डान्सिङ विधाको गीत युवायुवतीको मायाप्रेममा आधारित छ । 

गायिका बराल, रचनाकार क्षितिज समर्पण र सङ्गीतकार शाही पत्रकारिता क्षेत्रमा सक्रिय छन् । बरालले यसअघि ‘लभ पर्न सक्छ’ बोलको गीतमा स्वर दिएकी थिइन् । 

यसपालि उनले प्रिये आउ मलाई लैजाउ तानितानी भन्दै सम्झिएर बिपनीमा भैछु पानीपानी भन्दै जल्न तयार रहेको बताएकी छिन् । 

नयाँ