दाँत भेटिएपछि खुलेको रहस्य, हत्या गरेर मासुबाट बिर्यानी
प्रकाशित २०७७ साउन २३ शुक्रबार
332
Shares
काठमाडौं । बदला भन्ने शब्द मानिसहरुको लागि निकै हानिकारक बन्नसक्छ भन्ने कुरा एक महिलाको उदाहरण हेरे पुग्छ । बदलाको रापमा जलेकी महिलाले आफ्ना प्रेमीको हत्या गरेर उनसको मासुबाट बिर्यानी बनाएर नोकरलाई खुवाएकी थिइन् ।
आफ्नो प्रेमीले अर्कै महिलासँग विवाह गर्न लागेको थाहा पाएपछि त्यसको बदला लिनको लागि महिलाले प्रेमीको हत्या गरेकी हुन् । यूएईको अल–इन नाम गरेको क्षेत्रमा यो घटना भएबो थियो । सात वर्षदेखि उनीहरु प्रेम सम्बन्धमा थिए तर प्रेमीले भने अर्कै केटीसँग विवाह गर्न लागेको थाहा पाएपछि उनी आक्रोशित भएकी थिइन् ।
यो घटना भएको तीन महिनासम्म यो कुरालाई कसैलाई पनि थाहा थिएन । तीन महिनापछि उनका भाइले उनको खोजी गर्दै जाँदा प्रहरीमा हराएको उजुरी गरेका थिए । उनको उजुरीपछि प्रहरीले खोजी गर्दै जाँदा महिलाको घरमा उनका प्रेमीको दाँत भेटिएको थियो । डीएनए परीक्षणको रिपोर्ट आएपछि घटना खुलेको थियो ।
यो घटना खुलेपछि महिलालाई प्रहरीले गिरफ्तार गरेको थियो । महिलाले आफ्नो बयानमा रिसको झोंकमा प्रेमीको हत्या गरेको बताएकी थिइन् । महिलाले आफूले लामो समयदेखि उसलाई आर्थिक सहयोग पनि गर्दै आएको तर अन्तिममा उसले धोका दिएको बताएकी थिइन् ।
