धनुषा । जनकपुरधाम कोरोनाको संक्रमणमलाई मध्यनजर गर्दै स्थानीय प्रशासनले लगाएको निषेधाज्ञा अझै ७ दिनका लागि थपिएको छ ।
आइतबार जिल्ला प्रशासन कार्यालय धनुषामा बसेको सुरक्षा समितिको बैठकबाट ७ दिन अझै निषेधाज्ञा लम्ब्याउने निर्णय गरिएको धनुषाका प्रमुख जिल्ला अधिकारी प्रेम प्रसाद भट्टराईले जानकारी दिए।
कोरोना भाइरसको संक्रमण दिनप्रतिदिन समुदाय स्तरसम्म जडो बनाएको भन्दै संक्रमण कम गर्नको लागि अझै ७ दिनको निषेधाज्ञा थपिएका जानकारी दिए।
जनकपुरका व्यापारीहरुको सन्दर्भमा उठाएको सबालमा व्यापार संघबाट प्रतीनीधित्व गरेका प्रतीनीधिहरुले कोरोनाको संक्रमणको वर्तमान अवस्थालाई मध्नयनगर गर्दै पसल तथा व्यावसाय ७ दिन अझै नखोल्ने निर्णयमा सहमति जनाएको जनकपुर उद्योग वाणिज्य संघ का महासचिव जितेन्द्र महासेठले बताए ।
यसका साथै, जनकपुरको दशरथ तलाउको उत्तरी डीलमा रहेको यात्रीनिवासलाई क्वारेन्टाइन बनाउने निर्णय गरिएको र अझ आइसोलेशन बनाउने र बैंक तथा वितिय संस्थाहरू सिफ्ट वाइज खोल्ने निर्णय गरिएको बताए ।
सो बैठकमा तीनवटै सुरक्षा निकायका प्रमुख, जनकपुरधाम उप महानगरपालिका का प्रमुख, जिल्ला जन स्वास्थ्यका प्रमुख, प्रादेशिक अस्पतालका मेसू, धनुषा चेम्बर एवं जनकपुर उद्योग बणिज्य संघका पदाधिकारीहरूको समेत उपस्थित थियो।
