बाँकेमा फेरि २६ जना संक्रमित थपिए, निषेधाज्ञा लम्बिने निश्चित

सौरभ गिरी,

प्रकाशित २०७७ साउन २७ मंगलबार

नेपालगन्ज । बाँकेमा कोरोना संक्रमितहरु बढदै जाँदा अवस्था भयावह बन्दै गएको छ। दिनहुँ कोरोना संक्रमित थपिदै गएपछि बाँकेबासीमा त्रास फैलिदै गएको छ।

मंगलबार बिहानसम्म २६ जना कोरोना संक्रमित थपिएका छन् । भेरी अस्पताल नेपालगन्जमा विहान ११ बजेसम्म गरिएको पिसिआर परिक्षणबाट बाँकेका २६ जना संक्रमित थपिएको प्रमुख जिल्ला अधिकारी रामबहादुर कुरुम्बाङले जानकारी दिए ।

योसंगै बाँकेमा कोरोना संक्रमितको संख्या ६ सय ५७ पुगेको छ । ४ सय ५ जना निको हुँदा ३ जनाको मृत्यु भएको छ । बाँकेमा समुदायमा कोरोना फैलिएपछि प्रशासनले कडाई गरेको छ।