विराटनगर । प्रदेश नं १ मा बुधबार १२३ जना कोरोना संक्रमित थपिएका छन् । संक्रमण पुष्टि भएकामा ३३ महिला र ९० जना पुरुष छन् । संक्रमित हुनेमा मोरङका ६७, सुनसरीका ३७, झापाका १६, पाँचथरमा एक र दुई भारतीय नागररिक रहेको सामाजिक विकास मन्त्रालयले जनाएको छ ।
यस्तै, विराटनगरमा बुधबार ५२ जना संक्रमित थपिएका छन् । संक्रमितमध्ये ३२ पुरुष र २० जना महिला छन् । मोरङको रङ्गेलीमा पाँच महिला र चार जना पुरुष, बुढीगंगामा एक महिला एक पुरुष, कटहरीमा एक महिला, धनपालथान, कानेपोखरी र मिक्लाजुङमा एकएक पुरुषको रिपोर्ट पोजेटिभ देखिएको छ ।
मन्त्रालयका अनुसार सुनसरीको हरिनगरमा १२ पुरुष र एक महिला, दुहवीमा आठ पुरुष र तीन महिला, बर्जुमा चार पुरुष र एक महिला, इटहरीमा चार पुरुष, धरान र रामधुनीमा दुईदुई पुरुष, झापाको दमकमा आठ जना, भद्रपुरमा तीन, विर्तामोड, कचनकवल र कमल गाउँपालिकामा एकएक पुरुषको रिपोर्ट पोजेटिभ आएको छ । झापाका दुई जना र पाँचथरका एक जना पुरुषको स्थानीय तह नखुलेको सामाजिक विकास मन्त्रालयले जनाएको छ । बुधबार सङ्कमण पुष्टि भएका भारतीय नागरिकमा एक महिला र एक पुरुष छन् ।
प्रदेश नं १ मा कोरोना संक्रमितको सङ्ख्या दुई हजार ३५५ पुगेको छ भने बुधबार दुई जना निको भएका छन् । दुवै जना मेची अञ्चल अस्पताल धाईजन आइसोलेसन केन्द्रबाट निको भएर घर फर्केका हुन् ।
कोरोनाबाट संक्रमित भएका निको भएर घरफर्कनेको सङ्ख्या एक हजार १३५ जना पुगेका छन् । प्रदेश नं. १ मा बुधबार एक हजार ९४१ जनाको पीसीआर परीक्षण गरिएको छ । मङ्गलबार दुई हजार ६३१ जनाको पीसीआर परीक्षण गरिएको थियो । हाल सम्म ७२ हजार ४३ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
