एजेन्सी । स्पेनिश किङ्स कप (कोपा डेल रे) फुटबलको उपाधि बार्सिलोनाले कब्जा गरेको छ । आइतबार राति स्पेनमा भएको फाइनलमा सेभियालाई २–० ले हराउँदै बार्सीलोनाले लगातार दोस्रो उपाधि जितेको हो । खेलको ३६औं मिनेटमा हेभियर मास्केरानो रातो कार्ड खाँदै मैदानबाट बाहिरिएपछि बार्सिलोना १० जनामा समेटियो ।
निकै प्रतिस्पर्धात्मक खेलमा निर्धारित समय अघि दुबै टोलीबाट गोल हुन सकेन । ९०औं मिनेटमा एभर बानेगाले रातो कार्ड खाएपछि सेभिया समेत १० जनामा समेटियो । थपिएको अतिरिक्त समयमा बार्सिलोनाका योर्डी अल्बाले पहिलो गोल गरे । उनले ९७औं मिनेटमा टोलीलाई अग्रता दिलाएका हुन् ।
अतिरिक्त समयको अन्तिम मिनेटमा सेभियाका ड्यानिएल क्यारीकोले समेत रातो कार्ड खाएपछि टोली ९ जनामा सिमित भयो । खेलमा केही सेकेण्ड मात्रै बाँकी छँदा नेमारले गोल गरेपछि बार्सिलोना २–० ले विजयी भयो । अल्बा र नेमारको संयुक्त प्रयास नै यो जितको मूख्य आधार हो । यी दुईले जितको जस लिएका छन् । यद्यपि, मुख्य प्रशिक्षक लुइस एन्रिकले मास्केरानो बाहिर निस्केपछि एक प्राकृतिक सेन्टर ब्याकका साथ आफ्नो रणनीति बदले । फ्रन्ट फुटमा आफ्नो पक्ष कायम गरे ।
उनले त्यति मात्र गरेनन् एक अस्थायी सेन्टरमा सेन्टर ब्याकका रुपमा सर्जिओ बस्कुइट्सलाई तैनाथ गरे । मिडफिल्ड इभाँ राकिटिचको भूमिका समेत महत्वपूर्ण रहयो । यस्तै, रक्षक रेजेमी म्याथ्युको दबाब कम गर्न मैदानमा रहेका फरवार्ड लियोनल मेसी, लुइस सुआरेज र नेमारलाई बढी भूमिका दिए । एन्रिकले अन्ततः नाटकिय जित दिलाए ।
संघर्षपूर्ण खेल निर्धारित समयमा गोलरहित बराबरी भएपछि थपिएको अतिरिक्त समय बार्साको पक्षमा रहयो भने, नाटकीय परिणामले बार्सालाई यो सिजनको दोस्रो उपाधि दिलायो । लुइस एन्रिककै पक्षमा नतिजा आउने क्रममा बार्साले सबै भन्दा बढी २८ पटक उपाधि जितेको कीर्तिमान बनाइको छ ।
यस सिजन बार्सिलोनाले स्पेनका प्रतिष्ठीत फुटबल प्रतियोगिता स्पेनिश लिग ला लिगा र कोपा डेल रे गरी दुई उपाधि कब्जा गरेको छ । युरोपा लिग च्याम्पियन बनेको सेभियाको घरेलु उपाधि जित्ने सपना चक्नाचुर भयो । सेभियाले हालसम्म पाँच पटक मात्र किङ्गस कपको उपाधि जितेको छ । दोसंोमा एथ्लेटिक बिल्वाओ छ । उसले २३ पटक किङ्गस कप जितेको छ । स्पेनिश ला लिगाको सर्वाधिक विजेता रियाल मड्रिड भने तेस्रोमा छ । उसले १९ पटक मात्रै उपाधि जितेको छ ।
