- सुन चाँदी दर
- विनिमय दर
- नेपाली पात्रो
- राशिफल
काठमाडौं । बैंक तथा वित्तीय संस्थाले व्यक्तिगत सवारी खरिद गर्दा विद्युतीय सवारीमा ८० प्रतिशतसम्म कर्जा दिन पाउने भएका छन् ।
सवारीको मूल्यको अधिकम ८० प्रतिशत विद्युतीय सवारीको हकमा कर्जा दिन पाउने गरी राष्ट्र बैंकले मंगलबार एकिकृत निर्देशन दिएको हो ।
व्यक्तिगत सवारी साधन खरिदमा अन्य (इन्धनबाट चल्ने) सवारीको हकमा भने अधिकतम ५० प्रतिशतसम्म कर्जा उपलब्ध गराउन राष्ट्र बैंकले एकिकृत निर्देशनमा उल्लेख गरेको छ ।
‘इजाजत पत्र प्राप्त संस्थाले प्राकृतिक व्यक्तिलाई व्यक्तिगत प्रयोजनका लागि सवारी साधन खरिद गर्न कर्जा प्रवाह गर्दा सो सवारी साधनको मूल्यको अधिकतम ५० प्रतिशत र व्यक्तिगत विद्युतीय सवारी साधनको हकमा ८० प्रतिशतसम्म मात्र गर्नु पर्ने छ’ एकिकृत निदेशिकामा उल्लेख गरिएको छ ।
व्याजदर परिवर्तन गर्न नपाउने
राष्ट्र बैंकले मंगलबार गरेको एकिकृत निर्देशन अनुसार बैंकले दिने घर कर्जा र सवारी कर्जाको व्याजदरमा परिवर्तन गर्न नपाउने भएका छन् ।
कर्जाको भुक्तानी अवधिभर कर्जाको व्याजदर परिवर्तन गर्न नपाउने गरी निर्देशन भएसँगै एक वर्ष भन्दा बढी अवधिका लागि लिइएका घर कर्जा र सवारी कर्जाको व्याजदर परिवर्तन गर्न नपाउने भएका हुन् ।
यसअघि बैंक तथा वित्तीय संस्थाले यस्तो कर्जा दिँदा सुरुमा सस्तो व्याजदरमा दिने र भुक्तानी नहुँदासम्म वार्षिक रुपमा बढाउँदै आएकोमा अब त्यसको अन्त्य हुनेगरी राष्ट्र बैंकले निर्देशन दिएको हो ।
‘एक वर्ष भन्दा बढी भुक्तानी अवधि भएका व्यक्तिगत आवधिक कर्जाको व्याजदर परिवर्तन नहुनेगरी स्थिर व्याजदर कायम हुनु पर्ने छ । इजाजत प्राप्त संस्थाले एक वर्ष भन्दा बढी भुक्तानी अवधि भएका प्रत्येक व्यक्तिगत कर्जाको व्याजदर अवधिभर परिवर्तन नहुनेगरी स्थिर व्याजदर निर्धारण गर्नुपर्ने छ’ एकिृत निर्देशिकमा उल्लेख गरिएको छ ।