शान्ति, विकास र समृद्धि

नवीनचन्द्र घिमिरे, प्रकाशित मिति : २०७७ भदौ ३१ बुधबार
नवीनचन्द्र घिमिरे

शान्ति

शान्तिको उद्घोष गर्न
मेसिन गनले बढाइँ गरियो,
घरको अटालीमा बसेको
एक जोडी परेवा मरेछ ।।

विकास

गाउँको टाकुरामा
बाटो पुर्याएर बुल्डोजर फर्कियो
भोलिपल्टै भीषण पहिरोले
माने र मन्दिर किचिएछ ।।

समृद्धि

समृद्धिको खुशियालीमा
घरघरमा दियो बालियो,
एउटा बत्तीको फिलिङ्गोले
सुकुम्बासी बस्तीको घर जलेछ ।।

नयाँ