कृषि प्रधान हाम्रो मातृभूमिको, अवस्था किन यस्तो ?
खेति गर्दैनौं हामी गर्छौ आयात, भनि उतैको सस्तो ।
उहिले हुँदा जनशक्ति देशमा, हुन्थ्यो निर्यात अन्न
भएर युवा पलायन हुँदैछ, समाज छिन्न भिन्न ।
खाडी होस वा मलेसिया कोरिया, नेपालकै पसिना
आमा रुनुहुन्छ रह्यो खेत बाँझो, आउ यतै बसन ।
फर्काइ युवा गएका परदेश, लगाई बाँझो फोर्न
भित्राई अति आधुनिक प्रबिधी, लगाऔं कृषि गर्न ।
छोडी साँचिकै झिना मसिना चिज, कृषि क्रान्ति गर्ने हो
गरौं छलफल त्यो क्रान्तिको लागि, के-के गर्नु पर्ने हो ।
अनिवार्य गर चक्लाबन्दी अब, टुक्रा जग्गा धेरै भो
हावा पानी सुहाउँदो बाली तोक्न, अब अति बेरै भो ।
ठूला नहर अनि कृषि सडक, लगाउ बनाउन
बजार व्यबस्था राज्यनै गर्देउ, बिचौलिया भगाउन ।
खेति पशु बीमा अति आवश्यक, गरौं चाँडै व्यवस्था
नआओस छैन भनि मल बिउ, धिकार्ने त्यो अवस्था ।
आऊ सुधारौं सकिन्छ धेरै कुरा, नीति बनाऔं राम्रो
परिवर्तन निश्चयनै आउँछ, सुन्दर देश हाम्रो ।
सोची सकारात्मक भएनी जहाँ, सबैले केहि गरौं
सकेर भोकमरी निर्यातलाई, पुग्ने भकारी भरौं ।
