-
-
-
-
साँच्चै जीवन के हो बुझ्न सकिन,
जब बुझें, वशमा थिएन ।
जीवनको बाटो कठिन थिएन,
तर पहिल्याउन सकिन ।
सहारा विनाको जीवन,
लक्ष्य विनाको यात्रा रहेछ ।
दुश्मनहरुको लखटाइलाई,
बुझ्नै सकिन ।
सत्यमात्र रहेनछ जीवन,
झुटको खेती गर्न सकिन ।
जीवनको अर्थ धेरै रहेछ,
शब्दकोष थिएन ।
कमजोरीका पोकाहरु,
कसरी सुनाउँ रमाउनेलाई ।
जीवन उपभोग रहेछ,
आदर्श उपहास रहेछ ।
जीवनको महत्व नबुझ्नेसँग,
प्रश्न कसरी उठाउँ ।
जीवनलाई पद र पैसासँग जोड्नेहरुलाई,
कसरी अंकमाल गरुँ !
गर्न चाहन्थे कहाँ हराए,
लाग्छ जीवनको संघर्षको कुनै अर्थ रहेन ।
जय नेपाल ।
(कवि डा. भण्डारी नेपाली कांग्रेसका केन्द्रीय सदस्य हुन्)
