arrow

विश्वविद्यालयबारे समीक्षा गर्नुपर्नेमा जोड

logo
प्रकाशित २०७३ जेठ १४ शुक्रबार
T-U-new.jpg.jpeg
काठमाडौं । मुलुकभरका पब्लिक क्याम्पसमा अध्यापन गर्ने प्राध्यापकको छाता संस्था पब्लिक क्याम्पस प्राध्यापक सङ्घ, नेपालको तेस्रो राष्ट्रिय महाधिवेशन शुक्रबार कीर्तिपुरमा सुरु भएको छ । देशभरबाट करिब ५०० प्रतिनिधि सहभागी महाधिवेशनमा पब्लिक विश्वविद्यालय स्थापनाका लागि छलफल गरिने छ ।
 
शनिबारसम्म चल्ने सो महाधिवेशनको शिक्षामन्त्री गिरिराजमणि पोखरेलले उद्घाटन गर्दै सर्वाङ्गीण राष्ट्रको नेतृत्व गर्न सक्ने जनशक्ति उत्पादन गर्न समयसापेक्ष शिक्षामा सुधार गर्नुपर्नेमा जोड दिए । नेकपा (एमाले)का नेता तथा पूर्वशिक्षामन्त्री गङ्गालाल तुलाधरले सरकारले शिक्षा क्षेत्रमा गरेको लगानीले प्रतिफल दिन नसकेको बताउँदै अब प्राविधिक तथा सीपमूलक शिक्षामा लगानी वृद्धि गर्नुपर्ने सुझाव दिए । 
 
नेपाली काँग्रेसका नेता चन्द्र भण्डारीले सामाजिक तथा आर्थिक रुपान्तरणका लागि शिक्षा नीतिलाई नै प्रभावकारी बनाउनुपर्ने बताए । त्रिविका प्रा डा. उपकुलपति तीर्थ खनियाँले ऐनमा भएका अन्योलले त्रिवि र कृषि तथा वन विश्वविद्यालयका बीच अहिले द्वन्द्व र विवाद बढेको बताए । 
 
नेपाल प्राध्यापक सङ्घका अध्यक्ष रामेश्वर उपाध्याय, पब्लिक क्याम्पस प्राध्यापक सङ्घका अध्यक्ष गोपालप्रसाद पाण्डेय, नेपाल प्राध्यापक सङ्घका कोषाध्यक्ष किशोर गौतम, अर्थशास्त्री भोजराज ढकाललगायतले अब मुलुकमा के कस्ता विश्वविद्यालय आवश्यक छ भन्ने समीक्षा गरी विश्वविद्यालय खोल्ने तथा एकीकृत गर्नुपर्नेमा जोड दिँदै स्थानीय समुदायमा आधारित क्याम्पस सञ्चालन भएमा सरकारले गर्दै आएको लगानी न्यूनीकरण गर्न सकिने विचार राखे । रासस



लोकप्रिय समाचार
लोकप्रिय समाचार
नयाँ