- सुन चाँदी दर
- विनिमय दर
- नेपाली पात्रो
- राशिफल
काठमाडौं । युएईमा जारी १३ औं संस्करणको इन्डियन प्रिमियर लिग (आईपीएल) टी–२० क्रिकेटमा सनराइजर्स हैदराबादले लगातार दोस्रो जित निकालेको छ ।
दुबईमा शुक्रबार राति भएको खेलमा डिफेन्डिङ रनर अप चेन्नई सुपर किङ्सलाई ७ रनले पराजित गर्दै हैदराबादले दोस्रो जित निकालेको हो ।
दुबई अन्तराष्ट्रिय क्रिकेट स्टेडियममा हैदराबादले दिएको १ सय ६५ रनको लक्ष्य पछ्याएको चेन्नईले ५ विकेट गुमाएर १ सय ५७ रन मात्र बनाउन सक्यो ।
चेन्नईका रबिन्द्र जडेजाले ३५ बलमा ५० तथा कप्तान महेन्द्र सिंह धोनीले ३६ बलमा नटआउट रहँदै ४७ रन बनाए पनि टोलीको हार रोक्न सकेनन् ।
हैदराबादका टी नटराजनले २ विकेट लिए । भुवनेश्वर कुमार र अब्दुल समदले १–१ विकेट लिए ।
यस अघि टस जितेर पहिले ब्याटिङ गरेको हैदराबादले ५ विकेट गुमाएर १ सय ६४ रन बनाएको थियो ।
हैदराबादका लागि प्रियम गार्गले नटआउट रहँदै ५१ रन बनाए ।
चेन्नईका दिपक चाहरले दुई विकेट लिए ।
अंक तालिका
लगातार दुई हारपछि लगातार दुई जित निकाल्दै हैदराबाद अंक तालिकाको चौथो स्थानमा पुगेको छ ।
पहिलो खेलमा डिफेन्डिङ च्याम्पियन मुम्बईलाई हराएपछि लगातार तीन खेल हारेको चेन्नई पुछारमा छ ।
मुम्बई, दिल्ली क्यापिटल्स्, कोलकाता नाइट राइडर्स, हैदराबाद, राजस्थान रोयल्स र रोयल च्यालेन्जर्स बैंगलोरको ४–४ अंक छ ।
किंगस इलाभेन पंजाब र चेन्नईको २–२ अंक रहेको छ ।
शनिबारको खेल
शनिबार २ खेल हुँदैछन् । जारी सिजनमा पहिलो पटक एकैदिन दुई खेल हुँदैछन् ।
बैंगलोर र राजस्थानले दिउँसो ३ः४५ बजे आबुधाबीमा खेल्दैछन् ।
बेलुकी ७ः४५ बजे दिल्ली र कोलकाता शारजहा स्टेडियममा खेल्दैछन् ।