लिभरपुलको लज्जास्पद हारमा बन्यो यस्तो रेकर्ड 

प्रकाशित मिति : २०७७ असोज १९ सोमबार

काठमाडौं । इंगलिश प्रिमियर लिग फुटबलको डिफेन्डिङ च्याम्पियन लिभरपुलले हारमा रेकर्ड बनाएको छ । आइतबार राति भएको खेलमा लिभरपुल एस्टन भिल्लासँग ७(२ को फराकिलो गोल अन्तरले पराजित भएको हो ।


घरेलु मैदानमा एस्टनलाई शानदार जित दिलाउन ओली वाटकिन्सले ह्याट्रिक गरे । यस्तै ज्याक ग्रेयलिसले दुई गोल गर्दा जोन म्याकजिन र रोस बार्क्लीले एक एक गोल गरे । लिभरपुलका मोहमद सलाहले दुई गोल फर्काए । सन् १९६३ पछि पहिलो पटक लिभरपुलले ७ गोल व्यहोरेको हो । सन् २०१९ को जनवरीपछि लिभरपुलको यो चौथो हार हो ।

गत सिजन अन्तिम खेलसम्म रेलिगेशनका लागि संघर्ष गरिरहेको भिल्लाले सन् १९६२ पछि पहिलो पटक प्रिमियर लिगमा शानदार खेलेको छ । सुरुवाती तीनै खेलमा शतप्रतिशत जित आत्मसात गर्दै भिल्ला लिगको दोस्रो स्थानमा छ ।

आइतबारका अन्य खेलको नतिजा 
लेस्टर सिटी ०–३ वेष्टह्याम युनाइटेड
साउथह्याम्पटन २–० वेष्टब्रोमविच आल्बियन
आर्सनल २–१ शेफिल्ड युनाइटेड
वुल्भस् १–० फुल्हम
म्यान्चेस्टर युनाइटेड १–६ टोटनह्याम (ह्यारि केन २ गोल)
 

नयाँ