-
-
-
-
विराटनगर । पछिल्लो २४ घण्टाका अवधिमा प्रदेश १ मा ३४३ जना कोरोना संक्रमित थपिएका छन् ।
थपिएका संक्रमितमा मोरङमा १६२ मध्ये विराटनगर १३७, सुनसरीमा १३५, झापामा ३३, धनकुटामा ४, भोजपुर र इलाममा २–२, पाँचथरमा १ र प्रदेश बाहिरका चार जना रहेको सामाजिक विकास मन्त्रालयले जनाएको छ ।
बुधबार थपिएका संक्रमितमा महिला १३६ र पुरुष २०७ छन् भने विराटनगरमा महिला ५७ र पुरुष ८० छन् ।
अहिलेसम्ममा प्रदेशमा कोरोना संक्रमितको सङ्ख्या आठ हजार ४४७ पुगेको छ भने बुधबार १० जनासहित चार हजार १३२ जना निको भएर घर फर्किएका छन् ।
पछिल्लो २४ घण्टाका अवधिमा एक हजार ३१० जनासहित अहिलेसम्ममा प्रदेशमा एक लाख ३० हजार ६७१ जनाको पिसिआर परीक्षण भइसकेको मन्त्रालयले जनाएको छ ।
