देवी सम्झेर यी अभिनेत्रीको गरिन्थ्यो पूजा, अमिताभकी आमा भएर सुपरहिट


प्रकाशित

काठमाडौं । हिन्दी चलचित्रमा निरुपा रायले आमाको चरित्रलाई पर्दामा सम्झनलायक बनाइन् । उनले बलिउडमा उत्कृष्ट अभिनयको साथ आमाको चरित्रलाई नयाँ आयाम दिइन्। उनीले अभिनय गरेको आमाको चरित्रले दर्शकको मन छोयो । उनलाई 'बलिउडकी आमा' भन्ने उपाधि दिइएको थियो।

निरुपा रायको जन्म ४ जनवरी १९३१ गुजरातको वलसाडमा भएको थियो। १५ वर्षको उमेरमा उनले कमल रायसँग विवाह गरिन्। निरुपा राय विवाह पछि मुम्बई पुगिन्। उनीहरूका दुई छोरा- योगेश र किरण छन्। उनको वास्तविक नाम कोकिला किशोरचन्द्र बुलसारा थियो। फिल्म जगतमा उनले आफ्नो नाम निरुपा रोयमा परिवर्तन गरिन्।

निरुपा रायले सन् १९४६ मा गुजराती फिल्महरूबाट आफ्नो करियर शुरू गरिन्। उनको पहिलो फिल्म 'राणाकादेवी' थियो। आफ्नो पचास-वर्षको करियरमा, उनले करीव पाँच सय फिल्महरुमा अभिनय गरिन्। निरुपा रायले आफ्नो करियरमा गरेका प्रायः फिल्महरूमा एउटी आमाको रुपमा देखा परिन् । 

तर सम्भवतः धेरैलाई थाहा छैन होला निरुपाले १६ वटा फिल्ममा देवीको भूमिका खेलेकी थिइन्।

देवीको पात्रहरूमा निरुपा रायले यस्तो प्रभाव छोडिदिइन्  मानिसहरूले उनलाई वास्तवमा देवीको रूपमा मान्न थालेका थिए । मानिसहरु उनीहरुका घर जान्थे र खुट्टा छुने र भजन गाउँने गर्थे ।

५० को दशकमा निरुपा रायलाई 'देवी' मानिन्थ्यो भने ७०-८० को दशकमा यति धेरै फिल्महरूमा आमाको भूमिका खेल्छिन् कि उनलाई वास्तविक जीवनमा 'आमा' भनेर चिनिन्थ्यो।

निरुपा रायले शशि कपूर, जितेन्द्र, अमिताभ बच्चन जस्ता अभिनेताको आमाको भूमिका खेलेकी थिइन। १९९९ को फिल्म 'लाल बादशाह' मा, अमिताभ बच्चन र निरुपा राय दुवैले अन्तिम पटक आमा छोराको भूमिकामा देखा परेका थिए। १३ अक्टुबर २००४ मा, उनले यस संसारलाई बिदाइ भइन्।


प्रतिक्रिया :

नयाँ