बडादशैंको महाअष्टमीमा महागौरीको आराधना, यस्ता छन् फाइदा
श्वेते वृषे समारुढा, श्वेताम्वरधरा शुचिः । महागौरी शुभं दद्यात, महादेवप्रमोददाद ।। या देवी सर्वभूतेषु माँ गौरी रुपेण संस्थिता ।
प्रकाशित २०७७ कार्तिक ८ शनिबार
272
Shares
काठमाडौं । बडादशैंको महाअष्टमीका दिन महाकाली, महालक्ष्मी र महासरस्वतीको पूजासँगै महागौरीको पूजा आराधना गरिन्छ । विश्वास गरिन्छ कि माता महागौरीको पूजाले असम्भव काम पनि सम्भव हुन्छ । पाप नाश हुन्छ ।
माताले यो स्वरुपमा भगवान शिवलाई पाउन तपस्या गरेको उल्लेख छ । उनको शरीर कालो भएको थियो । प्रशन्न भएर भगवान शिवले स्वीकार गर्दै उनको शरीरमा गंगाजल छर्किएका थिए ।
यसबाट माताको शरीर कान्तिवान र वर्ण गौर भयो । तब उनको नाम गौरी राखियो ।
उनको वाहन वृषभ हो । उनको एक भुजा अभयमुद्रामा हुन्छ । दोस्रो भुजामा त्रिशूल, तेस्रो भुजामा डमरु र चौथो भुजामा वरमुद्रा हुन्छ ।
उनको वस्त्र पनि सेतो र सबै आभूषण पनि सेतो नै हुन्छ ।
महागौरीको आराधनाबाट सोमचक्र जाग्रत हुन्छन् । यसबाट असम्भव कार्य पनि सम्भव हुन्छन् । समस्त पाप नाश हुन्छन् । सुख–सौभाग्य प्राप्ति हुन्छ । हर मनोकामना पूर्ण हुन्छ ।
