कायरो । इजिप्ट एअरको ब्लाक बक्सबाट आएको सङ्केट भेटिएको इजिप्टले बुधबार जनाएको छ । सन् २०१६ को मे १९ मा चालक दलका सदस्यसहित ६६ जना लिएर फ्रान्सको पेरिसबाट इजिप्टको कायरो जाने क्रममा इजिप्टको आकाशबाटै विमानको टावरसँग सम्पर्क विच्छेद भएको थियो ।
विमान राडारसँग सम्पर्क विच्छेद भएको केही क्षणमै दुर्घटनाग्रस्त भएको थियो । लगातारको खोजीपछि फ्रान्सेली सेनाको पानी जहाजले दुर्घटनग्रस्त इजिप्ट एअरको ए ३२० एअरबसको भग्नावशेष पत्ता लगाउने क्रममा उक्त विमानको ब्लाक बक्सको सङ्केत पाएको इजिप्टको नागरिक उड्डयन मन्त्रालयले जनाएको छ ।
ब्लाक बक्सको सङ्केत पाएपछि यसलाई सामुद्रिक सतहबाट बाहिर ल्याउन पानीमा डुब्ने रोबोटसहित अर्को नौसैनिक जहाज एक हप्ताभित्र फ्रान्सबाट भूमध्यसागरिय इलाकामा पुग्ने मन्त्रालयले बताएको छ । एएफपी
