डोटीका पहिलो जिल्ला सभापति तथा कांग्रेस नेता उपाध्यायको निधन

डोटीका पहिलो जिल्ला सभापति तथा कांग्रेस नेता उपाध्यायको निधन

प्रकाशित २०७७ कार्तिक ३० आइतबार

डोटी । नेपाली कांग्रेस डोटीका नेता, पूर्व जिल्ला विकास समितिका सभापति केशबराज उपाध्यायको निधन भएको छ । दमका बिरामी नेता उपाध्यायको उपचारका क्रममा नेपालगञ्ज स्थित कोहलपुर अस्पतालमा निधन भएको हो ।

काठमाण्डौंबाट दशैंका लागि कैलाली आएका ७४ वर्षीय नेता उपाध्यायको स्वास्थ्यमा समस्या देखिएपछि उपचारका लागि नेपालगञ्ज स्थित कोहलपुर अस्पताल लगिएको थियो । उनको आइतबार बिहान अस्पतालमा उपचारका क्रममा निधन भएको हो ।

बहुदल आएपछि २०५९ सालमा जिल्ला विकास समितिको पहिलो सभापतिमा निर्वाचित उपाध्याय विद्यार्थी जीवनकाल देखि नै राजनीतिमा सक्रिय थिए ।