आमिर खानको फिटनेश कोचसँग छोरीको प्रेम, ब्रेकअपपछि पाइन् नयाँ पार्टनर

प्रकाशित २०७७ मंसिर १० बुधबार

काठमाडौं । बलिउड अभिनेता आमिर खानकी छोरी इरा खान बलिउडकी स्टारकिड हुन् जो सँधै चर्चाहरुमा रहन्छिन् । इरा बुबा आमिरभन्दा सोशल मीडियामा धेरै सक्रिय छिन् । पछिल्लो समय उनी आफ्नो प्रेमलाई लिएर खबरमा छिन्।

भारतीय सञ्चारमाध्यमका अनुसार इरा खान आमिर खानको फिटनेश कोच नुपुर शिखरलाई डेट गर्दैछिन्। दुबै बितेको छ महिनादेखि सम्बन्धमा छन्। यति मात्र होइन, इराले नुपुरलाई आफ्नी आमा रीना दत्तासँग पनि परिचय गराएकी छिन्। भनिन्छ दुबै सम्बन्धमा गम्भीर छन्।

इरा फिटनेशतिर सक्रिय भएसँगै नुपुरसँग घनिष्ठता बढ्यो । नुपुरले आफ्नो इन्स्टाग्राममा इरासँगको तस्विर शेयर गरेका छन्। लकडाउनको समयमा दुबैबीच नजीकपन बढेको छ । केहि समय पहिले इराले उनका फिटनेश भिडियोहरू पनि शेयर गरेकी थिइन् ।

स्रोतका अनुसार इरा र नुपुरले आमिर खानको फार्महाउस महाबलेश्वरमा आफ्नो बिदा बिताए । दुवैले आफ्ना साथीहरूसँग दिवाली मनाए। इराले उनकी आमा रीना दत्तालाई नूपुरसँग भेटाइन्। जस पछि दुबै यो सम्बन्ध को बारे मा एकदम गम्भीर छन्।

यस अघि इरा खानले मीशाल कृपलानीलाई दुई बर्षसम्म डेट गरेकी थिइन् । त्यस समयमा इरा प्रायः मिसलसँग आफ्ना तस्वीरहरू शेयर गर्थिन्। डिसेम्बर २०१९ मा उनीहरूको ब्रेकप भयो। अहिले इराले उनीहरूको सम्बन्धलाई धेरै निजी राखेकी छन्।

नुपुर शिखर सेलिब्रेटी फिटनेश कोच हुन्। हाल उनी आमिर खान, इरा खान र सुष्मिता सेनलाई प्रशिक्षण दिदैछन्।

इराको निर्देशन क्षेत्रमा रुचि राख्छिन्। विगतमा आफु डिप्रेशनको शिकार भएको बताएकी थिइन् । त्यसपछि उनले डाक्टरहरूसँग परामर्श लिएकी थिइन्।