-
-
-
-
काठमाडौं । लिभिङ विथ आईसीटीले आयोजना गर्दै आएको आईसीटी अवार्डको पाँचौं संस्करणको ग्राण्ड फिनाले शनिबार हुने भएको छ ।
सुचना, प्रविधि एवं उद्यम क्षेत्रको एक प्रतिष्ठित अवार्डका रुपमा रहेको आईसीटी अवार्डको यो संस्करणले विभिन्न १२ विधामा पुरस्कार वितरण गर्ने भएको छ ।
यसै साताको शनिबार होटल सोल्टी क्राउन प्लाजामा दिउँसो २ बजेदेखि ग्राण्ड फिनाले सुरु हुनेछ ।
बिहीबार काठमाडौंमा पत्रकार सम्मेलन गर्दै आयोजकले अवार्डका प्रतिस्पर्धीलगायतको उपस्थितीमा स्वास्थ्य सुरक्षाका सम्पूर्ण मापदण्ड अपनाएर अवार्ड वितरण कार्यक्रम समापन गरिने बताएको हो ।
यसवर्ष अवार्डमा गत वर्षभन्दा ३ गुणा बढी प्रतिस्पर्धी संलग्न भएको आयोजकले जनाएको छ । अवार्डमा सहभागि हुनका लागि अनलाइनबाट ३ सय ५० भन्दा बढी नोमिनेसन परेका थिए ।
करिब ४ महिनाको छनोट प्रकृयापछि शनिबार अवार्ड वितरण कार्यक्रम सम्पन्न हुने भएको हो ।
