-
-
-
-
काठमाडौं । सशस्त्र प्रहरीले पेस्तोलसहित दुई जना भारतीय नागरिकलाई पक्राउ गरेको छ ।
महोत्तरीको मरुवाही बिओपीबाट खटिएको टोलीले मनरा सिसवा नगरपालिका १० बाट अटोमेटिक पेस्तोलसहित भारतीय नागरिक मुकेशकुमार मण्डल र राजकुमार दासलाई पक्राउ गरेको हो । उनीहरु भारत सितामढीका हुन ।
मादक पदार्थ सेवन गरि स्थानीयसँग विवाद भएपछि दशगजा हुँदै भारततर्फ भाग्ने क्रममा उनीहरुलाई हतियारसहित पक्राउ गरिएको महोत्तरीका सशस्त्र प्रहरी उपरीक्षक सुरेश सापकोटाले जानकारी दिए ।
उनीहरुको साथबाट २ राउन्ड ७ दशमलब ६५ लोडेड सेमि अटोमेटिक पेस्तोल नाल १ र स्प्रिङ चक्कु १ थान र ओप्पो मोबाईल सेट १ थान नियन्त्रणमा लिईएको सापकोटाले जानकारी दिए । पक्राउ परेकाहरु उपर थप अनुसन्धान भइरहेको छ ।
