फ्लोरिडा (संयुक्त राज्य अमेरिका) । संयुक्त राज्य अमेरिकाको फ्लोरिडा राज्यको ओल्र्याण्डो सहरमा अवस्थित रात्रि क्लबमा गोली चलाएर ५० जनाको हत्या गर्ने व्यक्ति समलिङ्गी विरोधी रहेको खुलेको छ । सो रात्रि क्लबमा एक जना सशस्त्र बन्दुकधारीले आइतबार गोली चलाउदा कम्तीमा पनि ५० जनाको मृत्यु भएको थियो । अरु दर्जनौँ घाइते भएका छन् ।
अफगान मूलको अमेरिकी नागरिक ओमार मातिनले सुरुमा सो क्लबमा मनोरञ्जनरत रहेका केही युवालाई बन्धक बनाएको र उनीहरुलाई छुटाउने क्रममा आफैँले बन्दुक हानेर हत्या गरेको थियो । फेडेरल ब्युरो अफ इन्भेस्टिगेसन (एफबीआई) ले सो रात्रि क्लबमा मनोरञ्जन गरिरहेका युवालाई बन्धक बनाएको खबरपछि प्रहरी बन्धक युवालाई छुटाउन त्यहाँ पुगेको तर सो कार्य सकुसल रुपमा सम्पन्न हुन सकेको थिएन । त्यस दुर्भाग्यबस भएको घटनामा परी कम्तिमा ५० जनाको मृत्यु हुन गएको बताइएको छ । त्यस क्रममा अरु पनि दर्जनौँ व्यक्ति घाइते भएका छन् । उनीहरुको उपचार भइरहेको छ ।
त्यस आक्रमणमा सम्लग्न व्यक्तिको प्रहरीको गोली लागी मृत्यु भएको छ । प्रहरीले आक्रमणको मुख्य पात्र ओमारका बारेमा खोजी गरेको थियो । त्यस क्रममा प्रहरीले उक्त हत्याराको बुबासँग पनि कुराकानी गरेको छ । कुराकानीका क्रममा उसका बुबाले आफ्नो छोरा यसअघि पनि समलिङ्गीको विरोध गर्ने गरेको जानकारी गराएका प्रहरीको पछिल्लो प्रतिवेदनमा जनाएको छ ।
क्लबमा पनि उसले समलिङ्गीको विरोध गर्ने गरेको र कहिलेकाहीँ श्रीमती पनि पिट्ने गरेको पाइएको प्रहरीको पछिल्लो अनुसन्धानमा पाइएको प्राप्त पछिल्लो एक समाचारमा जनाइएको छ । उ मानसिक रुपमा पनि ठीक नपाइएको स्वास्थ्य प्रमाणपत्र पनि प्रहरीले हात पारेको जनाएको छ । एक निजी संस्थामा सुरक्षा अधिकारीका रुपमा काम गर्ने गरेको प्रहरीले जनाएको छ ।
त्यस घटनाको जिम्मेवारी आइएसले लिएको छ । घटना भएको लगत्तै आतङ्कवादी संस्था आइएसले त्यस आक्रमणको जिम्मेवारी लिएपछि प्रहरीले उसको बारेमा अनुसन्धान थालेको हो । प्रहरीले त्यस व्यक्तिको सम्बन्ध आतङ्कवादी संस्था आइएससँग छ कि छैन भन्ने बारेमा खोजी गरेको थियो । खोजीका क्रममा प्रहरीले त्यस्तो प्रमाण भने नभेटेको जनाएको छ ।
तर सो हमलाका क्रममा भने उसले ९÷११ भनेर नाम लिएको थियो । सन् २००१ को सेप्टेम्बर ११ मा अमेरिकामा अल कायदाले हमला गरी तीन हजार भन्दा बढी नागरिकको ज्यान लिएको थियो । आक्रमणका क्रममा उसले त्यस शब्दको उच्चारण गर्नुबाट पनि उसको ती आतङ्कवादी संस्थासँग सम्बन्ध हुनसक्ने अनुमानका आधारमा प्रहरीले सो अनुसन्धान गरेको हो ।
फ्लोरिडाको मध्यभागमा अवस्थित ओल्र्याण्डो सहरको उक्त रात्रि क्लबमा मनोरञ्जन गरिरहेका समलिङ्गी युवाहरूलाई आइतबार बिहानीपख बन्धक बनाएपछि प्रहरीले बन्धकलाई छुटाउने क्रममा उसले गोली चलाएको थियो । आक्रमणमा ओमारमात्र थियो वा उसको साथमा अरु पनि थिए भन्ने बारेमा प्रहरीले अन्तिम निष्कर्ष निकालीसेको छैन । त्यहाँ मारिएकामा पनि आक्रमणकारी रहेको अनुमान प्रहरीले सुरुमा गरेको थियो ।
