काठमाडौं। फ्रान्समा जारी युरो २०१६ अन्तर्गत समुह 'ई'को बेल्जियम र ईटली बिचको खेलमा ईटली २-० गोलले बिजयी भएको छ। बेल्जियम माथि अप्रत्यासित जीत हासिल गर्दै ईटलीले स्पष्ट ३ अंक आर्जन गरेको छ।
खेलको ३२औं मिनेटमा इमानुएल जाकेरिनीले गोल गर्दै ईटलीलाई अग्रता दिलाएका थिए भने ९०औं मिनेटमा ग्राजियानो पेलेले गोल गर्दै बलियो बेल्जियम माथिको जित सुनिश्चित गरेका थिए।
खेल अवधिभर बेल्जियमले बलमा नियन्त्रण राखे पनि गोल गर्न नसक्दा ईटलीले बिजय भएको हो। बेल्जियमका रोमेल लुकाकुले केही राम्रा मऔका खेर फाल्दा बेल्जियमले गोल गर्न सकेको थिएन्।
आफ्नो पुरानो साखलाइ जोगाउन ईटली सफल भएको छ। पछिल्लो केही समयदेखि फुटबलमा फिफा बरियतामा दोस्रो स्थानमा रहेको बेल्जियमको दबदबा रहे पनि मैदानमा आफ्नो प्रभाव छाड्न १२औ बरियताको ईटली सफल भएको हो।
