उपाधि होडबाट टाढियो लिभरपुल 


प्रकाशित

काठमाडौं । इङ्गलिश प्रिमियर लिग फुटबलमा डिफेन्डिङ च्याम्पियन लिभरपुल उपाधि होडबाट टाढिएको छ । लिभरपुल घरेलु मैदान एनफिल्डमा शनिबार राति भएको खेलमा एभर्टनसँग २–० गोल अन्तरले पराजित भएसँगै उपाधि होडबाट टाढिएको हो । 

पाहुना टिम एभर्टनलाई जित दिलाउन रिचार्लिसन र गिल्फ सिगुर्डसनले एक एक गोल गरे । यससँगै एभर्टनले सन् १९९९ को सेप्टम्बरपछि पहिलो पटक लिभरपुललाई उसैको मैदानमा पराजित गरेको हो ।

यस्तै लिभरपुलले सन् १०२३ पछि पहिलो पटक घरेलु मैदानमा लगातार चार हार व्यहोरेको छ ।

अन्य खेलको नतिजा
साउथह्याम्पटन १–१ चेल्सी
बर्नली ०–० वेष्ट ब्रोमविच आल्बियन
फुल्हम १–० शेफिल्ड युनाइटेड

अंक तालिका
म्यान्चेस्टर सिटी २४ खेलबाट ५६ अंकसहित शीर्ष स्थानमा, ४६ अंकसहित म्यान्चेस्टर युनाइटेड दोस्रो, समान अंकबाटै लेस्टर सिटी तेस्रो, २५ खेलबाट ४३ अंकसहित चेल्सी चौथो स्थानमा छ । 

२४ खेलबाट वेष्टह्याम युनाइटेड ४२ अंकसहित पाँचौं तथा लिभरपुल २५ खेलबाट ४० अंकसहित छैटौं स्थानमा छ । एभर्टन २४ खेलबाट ४० अंकसहित सातौं स्थानमा पुगेको छ । 


प्रतिक्रिया :

नयाँ